fbpx

Sunnudagin 22. mai gjørdu seinnapartssamkoman og sjómanskvinnuringurin útferð til Gjáar.
Farið var frá Tabor kl.10  við privatbilum. Gudstænastan byrjaði ikki fyrr enn kl. 12, so vit høvdu góða tíð. Vitjað varð niðri í gjónni og við minnisvarðan áðrenn gudstænastuna. Bergtórur Hjelm Bjarkhamar var prestur og hevði dóp.
Sama sunnudag, 70 ár frammanundan, var Gjáar kirkja vígd, so tað var ein søguligur dagur hjá kirkjuni.

Aftaná gudstænastuna  greiddi  Páll Sivertsen frá um kirkjuna og søgur úr bygdini.

So varð farið niðan á Gjáargarð til ein góðan døgurðabita. Páll og konan Berit vóru við.

Klokkan 15. lá leiðin útaftur á Toftir.
Takk fyri eina góða útferð.

Bæði seinnapartssamkoman og sjómanskvinnuringurin fóru tá í summarfrí.
Um Gud vil og vit liva, so byrja bæði arbeiðini aftur í heyst.

  •  
  •  
  •  
  •  
  •  

Categories:

Tags:

Comments are closed

TILTØK
MANNAKORN

Um tit verða illir, tá syndið ikki! Sólin má ikki seta yvir illskap tykkara! Og gevið ikki djevlinum nakað føri!

— Ef. 4,26-27