Eitt er neyðugt – bókaumæli

Hetta er andagtsbók sum Hans Erik Nissen hevur skriva. Upprunaheiti er “et er nødvendigt”. Tað er Marna Ellingsgaard Jensen sum hevur umsett andagtsbókina.

Hans Erik Nissen var útbúgvin teologur, og var stórsta partin av lívið sínum forstandari á Bíbliu- og há-skúlanum hjá Luthersk Mission, nevndur Luthersk Missions Højskole (LMH), sum liggur í Hillerød.

Fakta um bókina:
Rithøvundur: Hans Erik Nissen
Týtt: Marna Ellingsgaard Jensen
Forlag: Heimamissiónsforlagið
Útgivin: 2020
Blaðsíður: 384

Bókin kostar kr 250,00

Ein samrøða var við Marnu Ellingsgaard Jensen á Stórmøtinum. Tann samrøðan kann sýggjast her.

Her er ummæli frá 3 persónum um andagtsbókini “eitt er neyðugt”.

Ætlanin við hesi andaktsbók er at boða einfaldan, greiðan og lívgevandi boðskap um Jesus. Fleiri av andaktunum vísa á tað eina, sum er neyðugt: Jesus – frelsaran fyri glataðar syndarar.

»Hans Erik Nissen skrivar, so tú gerst glaður fyri gleðiboð­skapin. Andaktirnar hava frígerandi og umbroytandi megi í sær. Guds orðs megi. Hans Erik elskaði Jesus, og hann elskaði menniskju. Tú kennir teg elskaðan og møttan. Hetta eru orð til troyst, lív og vón. Bókin fær mítt allar besta viðmæli.«

Bergur Debes Joensen

»Tað er ein sonn gleði, at hendan perlan av eini andaktsbók nú er týdd til okkara móðurmál. Góð føðsla fyri sálina til ein dag í senn. Bókin er væl grundað á Guðs orð, miðsavnað um Jesus og gerning hansara fyri alla mannaættina. Dag eftir dag verða vit leidd ígjøgnum Skriftina eftir tí vegi, sum er einasti vegur til frelsu.«

Marjan Kass Nielsen

»Í hesi andaktsbók, sum vendir sær bæði til ung og eldri, ber Hans Erik tað fram, sum var lívsneyðugt fyri hann: gleðiboð­skapin um Jesus Kristus. Sum fáur megnar hann at greiða frá okkara støðu uttan Jesus og at mála tann krossfesta og upp­risna fyri eygum okkara; hetta ger hann á ein persónligan hátt.«

Atli Rasmussen

Similar Posts