Sunnudagsskúlin vitjaði Vesturskin.
Í dag høvdu vit ein serligan sunnudagsskúla. Hann var ikki í missiónshúsinum, men í staðin var fari oman á Vesturskin, at hava sunnudagsskúla saman við búfólkunum.
Vit møttust í missiónshúsinum, og gingu síðani oman til Vesturskin. Har sungu vit fyrst nakrar sangi, síðani hevði Ólavur Magnussen orðið um dómaran Sámuel, og hvussu Guð brúkti hann í síni tænastu. Ólavur endaði við at minna okkum øll á, at Jesus eisini kann brúka okkum í okkara dagligdegi, at verða hansara tænarar.
Síðani sungu vit nakrar sangir afturat, og endaðu við Faðir vár í felag.
Ein øðrvísi, og sera góður sunnudagsskúli var komin at enda.
Vit takka Vesturskin fyri møguleikan at koma oman við børnunum.
