Sunnudagin 11. januar skipar Tofta- og Rituvíkar blákrossfelag fyri sínum árliga aðalfundi. Tiltakið, ið fer fram í Tabor, verður merkt av sangi, andakt og kunning um týdningarmikið ungdómsarbeiði.
Tað ræður um at seta kross við sunnudagin 11. januar, tá árliga festin og aðalfundurin hjá lokala blákrossfelagnum verður hildin. Tiltakið byrjar klokkan 16.00 og er ætlað at vara til umleið klokkan 18.30.
Skráin fyri dagin
Byrjað verður við sjálvum aðalfundinum, har felagið fer gjøgnum árið ið fór, og leggur ætlanir fyri framtíðina. Eftir formliga partin verður farið yvir til eina meira hugnaliga og andaliga skrá:
- Sangur: Sámal Hanna og Krista Lognberg luttaka við sangi.
- Andakt: Sverri Kass hevur eina andakt at bera fram.
Kunning um “Liv lívið”
Eftir sangin og orðið verður bjóðað til ein góðan nátturða. Hetta er ein upplagdur møguleiki hjá limum og áhugaðum at fáa sær ein bita og práta saman undir hugnaligum umstøðum.
Meðan fólk fáa sær á bita, fer Sanna Hjaltalin Delgado at greiða frá týðandi arbeiðnum hjá Liv lívið. Hetta er eitt arbeiði, ið miðar ímóti at røkka teimum ungu og stuðla teimum í teirra gerandisdegi.
Øll eru hjartaliga vælkomin í Tabor til eina áhugaverda og mennandi løtu saman við Tofta- og Rituvíkar blákrossfelag.